აშშ-ს პრეზიდენტმა, დონალდ ტრამპმა გააკრიტიკა ქურთები და აღნიშნა, რომ ისინი არ დახმარებიან ამერიკელებს მეორე მსოფლიო ომის დროს. მისი განცხადებით, ქურთების მოტივაცია ISIS-ის წინააღმდეგ ბრძოლაში განპირობებულია მხოლოდ მათი მიწისთვის ბრძოლით სირიაში.

„ისინი არ დაგვხმარებიან ჩვენ მეორე მსოფლიო ომში, როდესაც ნორმანდიაში მეორე ფრონტი გაიხსნა. ისინი სირიაში იბრძოდნენ და მხოლოდ იმიტო "გვეხმარებოდნენ", რათა შეენარჩუნებინათ საკუთარი ტერიტორია, რაც აბსოლუტურად განსხვავებული ცნებაა“ ,- აღნიშნა დონალდ ტრამპმა მედიასთან გაკეთებულ კომენტარში. მან აღნიშნა რამდენჯერმე, რომ ამერიკამ დახარჯა უდიდესი რაოდენობით თანხა ქურთებისთვის იარაღისა და ამუნიციის შესასყიდად, აგრეთვე მათ გადასამზადებლად.

ამერიკის შეერთებული შტატების გადაწყვეტილებას ჩრდილოეთ სირიიდან შეიარაღებული ძალების გაყვანის თაობაზე, თურქი პრეზიდენტის მყისიერი გადაწყვეტილება მოყვა სამხედრო ოპერაციის დაწყებასთან დაკავშირებით, რათა ქურთული შენაერთებისგან გაწმინდოს აღნიშნული ტერიტორია. ქურთულმა სამხედრო შენაერთებმა ამერიკის მოქმედება შეაფასეს, როგორც ზურგში დანის ჩარტყმად.