თურქეთის შეიაღებული ძალების შეტევის შემდეგ ჩრდილოეთ სირიაში ჰუმანიტარული პრობლემები დღის წესრიგში დგება- რეგიონში მაცხოვრებელი ასიათასოით ადამიანი უკვე თავშესაფრის ძიებაშია, ისინი მასობრივად ტოვებენ საკუთარ საცხოვრებლებს ავიაციისა და არტილერიის უწყვეტი ცეცხლის გამო ,- ინფორმაციას CNN ავრცელებს.

შეტაკებების შედეგად უკვე გარდაიცვალა 8 ადამიანი - 3 ქურთი სამხედრო და 5 მშვიდობიანი მოქალაქე, ათეულობით ადამიანი კი დაბომბვების შედეგად მძიმედ დაშავდა,- ამის შესახებ ინფორმაციას ქურთული შეიარაღებული ძალები ავრცელებენ.

საერთაშორისო დახმარების სააგენტოების განცხადებით, ასეულობით ათასი ადამიანი, რომლებმაც გაუძლეს ISIS-ის მასობრივ ხოცვა-ჟლეტას, დღესაც მიგრაციის ზღვარზე არიან თურქული სამხედრო შეტევების გამო.

გავრცელებული ინფორმაციის თანახმად, გზებზე საცობებია- ადამიანები ოჯახებთან ერთად მანქანებითა და სხვადასხვა სატრანსპორტო საშუალებებით ცდილობენ გაექცნენ თურქულ ბომბებს.

თურქეთის თავდაცვის მინისტრის განცხადებით, ქურთების 181 პოზიციაზე მიიტანეს შეტევა ზალპური ცეცხლის დანადგარებიდან და ბომბდამშენებიდან.

„აშშ-ს არ მიუცია მწვანე შუქი თურქეთისთვის“- პომპეო

ამერკის სახელმწიფო მდივანმა, მაიკ პომპეომ განაცხადა რომ ამერიკის შეიარაღებული ძალების გამოყვანა ჩრდილოეთ სირიიდან არ ნიშნავდა თურქეთისთვის შეიარაღებული ოპერაციის დაწყებაზე მწვანე შუქის მიცემას.

არსებობს საფრთხე ISIS-ის აღდგენისა და გაძლიერების

ქურთული შეიარაღებული ძალების მაღალჩინოსნების განცხადებით, ისინი აჩერებენ სამხედრო ოპერაციას ჩრდილოეთ სირიაში ISIS-ის წინააღმდეგ. არსებობს საშიშროება იმისა, რომ თურქული სამხედრო შეტევის გამო აღდგება ISIS-ი, რასთან დაკავშირებითაც ამერიკელმა მაღალჩინოსნებმაც გამოთქვეს შეშფოთება- შესაძლებელია, მოხდეს დაეშის ჯარისკაცების გაქცევა იმ საპატიმროებიდან, რომელსაც აკონტროლებდნენ ქურთი პოლიციელები. მედიაში ვრცელდება ინფორმაციები იმის თაობაზე, რომ ქურთმა მებრძოლებმა ციხეებში მოწყობილი პოსტები დატოვეს, რადგან ისინი ემზადებიან თურქებთან შესაბრძოლებლად.