თურქული არმიის მიერ სირიაში ეთნიკური ქურთებით დასახლებულ ტერიტორიაზე განხორციელებული საჰაერო და სახმელეთო ძალების იერიშების შემდეგ ავტონომიური ოლქის, როჯავას მაცხოვრებლები თვითნებურად ჰქმნიან წინააღმდეგობის მოძრაობის კერებს, რაშიც აქტიურად მონაწილეობენ არასრულწლოვანი ახალგაზრდებიც-TWITTER-ზე გავრცელებული ფოტო-ვიდეო მასალა ცხადჰყოფს, თუ როგორ ემზადებიან ისინი თავდაცვისთვის-იმარაგებენ ამუნიციას და საჭირო აღჭურვილობას მოსალოდნელი შეტაკებებისათვის წინააღმდეგობის გასაწევად.

თურქეთის მიერ სირიაში ქურთების წინააღმდეგ მიმდინარე სპეციალურ ოპერაციას უკვე პირველი მსხვერპლი მოჰყვა-დაბომბვების შედეგად გარდაცვლილია 10-მდე მშვიდობიანი მოქალაქე. პანიკაში ჩავარდნილი ადამიანები გარბიან სირიის ცენტრალური ნაწილისკენ და ითხოვენ ასადისგან მხარდაჭერას. მედიის მიერ გავრცელებული ინფორმაციის თანახმად, საკმაოდ მასშტაბურად დაიბომბა სირიის ქალაქი ალ-აინი, რომელშიცც საარტილერიო დამუშავების შემდეგ შენობები ცეცხლის ალშია გახვეული. თურქულმა ტანკებმა უკვე გადაკვეთეს სირიის საზღვარი და მიიწევენ ქურთებით დასახლებული რაიონებისკენ უსაფრთხო ზონის შესაქმნელად. ვრცელდება ინფორმაციები აგრეთვე იმის შესახებ, რომ 1000-მდე ქურთი ამერიკულ ბაზასთან შეიკრიბა და ითხოვენ შველას თურქული საარტილერიო და საავიაციო დაბომბვებისგან.