დონალდ ტრამპი FACEBOOK-ის საკუთარ გვერდზე აშშ-ს არმიის ჩართულობას აფასებს ახლო აღმოსავლეთის რეგიონში და ნეგატიურ მოვლენად აღიქვამს თავისი ქვეყნისთვის იმ გაწეული მსხვერპლის ფასს, რომელიც ამერიკამ გადაიხადა გეოპოლიტიკური ინტერესების დასაცავად.

„ამერიკის შეერთებულმა შტატებმა 3 ტრილიონი დოლარი დახარჯა ახლო აღმოსავლეთში საბრძოლო მოქმედებების წარმოებასა და წესრიგის უზრუნველყოფაზე. ათასობით ჩვენი ჯარისკაცი გარდაიცვალა ან მძიმეd დაიჭრა. მილიონობით ადამიანი დაიღუპა საპირისპირო მხარეს. ახლო აღმოსავლეთში შეჭრა იყო საშინელი გადაწყვეტილება, რაც კი ოდესმე მიგვიღია ჩვენი ქვეყნის ისტორიაში“,- განაცხადა დონალდ ტრამპმა სოციალურ ქსელში.

ამერიკის პრეზიდენტი სიხარულით აღნიშნავს იმ ფაქტს, რომ იგი ჩართულია ამერიკელი ჯარისკაცების სახლში დაბრუნების ოპერაციაში.