ქურთების შეიაღებული ძალების დანაყოფის ხელმძღვანელი, კინო გაბრიელი დასავლეთ ევროპულ მოკავშირეებს მოუწოდებს, დაიცვან თურქული არმიის აგრესიისგან. ქურთული არმიის მაღალჩინოსანმა SKY NEWS-თან ინტერვიუში განაცხადა, რომ ევროპული ქვეყნებისა და მათ შორის ბრიტანეთის ინტერესი უნდა იყოს ის, რომ თურქეთს არ მისცენ ქურთი ხალხის განადგურების უფლება.

გაბრიელის განცხადებით, ქურთული შეიარაღებული ფორმირებები მზად არიან თურქეთის არმიის შეტევა მოიგერიონ, რადგან მას სწამს, რომ ამის ძალა და უნარი შესწევს მის თანამებრძოლებს. მისი განცხადებით, მშვიდობიანი მოქალაქეები უკვე გადაადგილდებიან სირია-თურქეთის საზღვრისკენ, რათა შექმნან ადამიანებისგან შემდგარი ცოცხალი ფარი თურქული აგრესიის წინააღმდეგ. მაღალჩინოსანი სამხედროს მოუწოდებს მის თანამოქალაქეებს სიმშვიდისკენ და აძლევს პირობას მათ, რომ შეიარაღებული ძალები შეძლებენ მშვიდობიანი მოქალაქეების ჩარევის გარეშე მტრის მოგერიებას.

ბოლოდროინდელი თურქი მაღალჩინოსნების განცხადებით, ჯარი მზადაა უკვე ჩრდილოეთ სირიის ტერიტორიაზე შესაჭრელად, რათა აღნიშნული უბნებნი გაწმინდონ ტერორისტებისგან და შექმნან რამდენიმე კილოემტრიან უსაფრთხო ზონა .

ქურთი მაღალჩინოსნების თანახმად, დაპირისპირება გამოიწვევს ჰუმანიტარულ კრიზისს, რადგან ასიათასობით ადამიანი დატოვებს საცხოვრებლებს, რაც გამოიწვევს ასიათასობით მიგრანტთა ახალ ტალღას.