BBC-ის მიერ ჩატარებული გამოძიების თანახმად, დგინდება რომ ერაყში სასულიერო პირები 9 წლის მცირეწლოვან ბავშვებს დროებითი სექსუალური ურთიერთობებისთვის ყიდიან,-ინფორმაციას ავრცელებს DAILYMAIL. ჟურნალისტმა ფარულად გადაუღო შიიტ სასულიერო პირებს ვიდეო-გათამაშებული სცენარის საფუძველზე კლიენტი მოითხოვდა ფულის სანაცვლოდ გოგონას, რაზეც სასულიერო პირი არასრულწლოვანთა ფართო არჩევანს სთავაზობდა.

ისლამში შიიტური კანონების თანახმად, ადამიანს ეკრძალება ხანმოკლე სასიყვარულო ურთიერთობა მაშინ, როდესაც მას ოფიციალურად ჰყავს ცოლი. მიუხედავად იმისა, რომ ერაყში ოფიციალურად აკრძალულია აღნიშნული პრაქტიკა ერაყში, შიიტი სასულიერო პირები არსებული ღონისძიებით მაინც არიან დაკავებულნი და ძალზე სარფიან გარიგებებსაც აწარმოებენ სექსუალური ურთიერთობის მსურველებთან.

ფარულად გადაღებულ ვიდეოში, ჟურნალისტის კითხვაზე სასულიერო პირის მიმართ- დასაშვებია თუ არა „დროებითი ქორწინება“ ახალგაზრდა გოგონასთან , სასულიერო პირი პასუხობს, რომ შარიათის კანონებით მსგავსი ღონისძიებები არ იკრძალება.

„ხანმოკლე ქორწინების“ დეტალები კლიენტმა უნდა შეათანხმოს სასულიერო პირთან, რომელთან მოლაპარაკების შემდეგ სექსის მსურველმა მამაკაცმა შესაძლოა გადაიხადოს იმდენი, რამდენიც საკმარისია რამდენიმე საათისთვის, ან რამდენიმე წლისთვისაც კი.

რელიგიის მსახურთა მხრიდან გოგონების პროსტიტუციაში ჩაბმა 2003 წლამდე, სადამ ჰუსეინის მმართველობის დროს კატეგორიულად იკრძალებოდა და მძიმე სანქციებსაც ითვალისწინებდა სასულიერო პირთა მიმართ. 2003 წლის შემდეგ კი შიიტური კანონები უფრო გავრცელდა ქეყანაში, რამაც ზემოხსენებული პრაქტიკის გავრცელებას ხელი შეუწყო.

სექს მუშაკი ერაყელი არასრლუწლოვანი გოგონების განცხადებით, სასულიერო პირები მათ კონტრაცეპტივებს ასმევენ,რათა ორსულობის საფრთხე გამოირიცხოს.