ეკვადორელი პრეზიდენტის, ლენინ მორენოს განცხადებით, მისი ადმინისტრაცია დედაქალაქიდან გადადის ქალაქ გუაიაკილში მასობრივი შეტაკებებისა და დაპირიპირების ფონზე პოლიციელებსა და დემონსტრანტებს შორის- წერს GUARDIAN-ი

მედიაში გავრცელებული ბოლოდროინდელი ფოტო-ვიდეო მასალა ასახავს, თუ როგორ ესვრიან სამართალდამცველებს მოლოტოვის კოქტეილებსა და ქვებს ეკვადორის დედაქალაქის ქუჩებში. უამრავი ფაქტია აგრეთვე ძარცვისა და ვანდალური ზიანის მიყენებისა მომიტინგეთა მხრიდან სახელმწიფოს შენობებზე.

„ეს არ არის პროტესტი საზოგადოების უკმაყოფილების გამო, ეს არის ძარცვისა და ძალადობის ნათელი მაგალითი, რათა ქვეყანაში შეიქმნას დესტაბილიზაცია“ ,- განუცხადა მედიას თავის ვიდეო მიმართვაში მორენომ, ვიცე პრეზიდენტთან, თავდაცვის მინისტრთან და ერთ-ერთ სამხედრო მაღალჩინოსნებთან ერთად.

ლენინ მორენო ქვეყანაში მიმდინარე დესტაბილიზაციაში ბრალს დებს ქვეყნის ყოფილ პრეზიდენტს რაფაელ კორეას, რომელმაც TWITTER-ის საკუთარ ოფიციალურ გვერდზე დაწერა ,რომ მორენოს რეჟიმი არის დასრულებული.