INDEPENDENT-ის ინფორმაციით FBI-მ ამერიკის ისტორიაში ყველაზე მეტი ადამიანის მკვლელობაში ბრალდებული მამაკაცი სახელი და გვარი გააცნო საზოგადოებას. სემუელ ლითლმა 93 ადამიანის მკვლელობა აღიარა.

ფედერალური დანაშაულის ანალიტიკოსებს სჯერათ, რომ აღიარება არის სანდო. მაღალი თანამდებობის პირებმა სემუელის მიერ მოკლულ ადამიანთაგან 50-ის საქმე უკვე გახსნეს.

79 წლის მამაკაცს სამუდამო პატიმრობა აქვს მისჯილი კალიფორნიაში. მისი განცხადებით, მან 93 ადამიანი მოკლა 1970-იდან 2005 წლის შუალედში.

„სემუელ ლითლს სჯეროდა, რომ მას ვერ დააკავებდნენ , რადგან მსხვერპლზე პასუხისმგებელი არავინ იყო“ ,- განაცხადა დანაშაულის ანალიტიკოსმა , კრისტი პალაზოლომ. მის მიერ მოკლული ადამიანების უმრავლესობა ზედოზირების შედეგად გარდაიცვალა, გარკვეულ ნაწილს კი უბედური შემთხვევა მოუწყო საეჭვო ვითარებაში.

სემუელ ლითლმა, თავისი მსხვერპლების სახეები დახატა და პოლიციას გადასცა, რათა სამართალდამცველებს გამარტივებოდათ გასაიდუმლოებული მკვლელობის საქმეების გახსნა.