დონალდ ტრამპის ადმინისტრაციის ყოფილმა ელჩმა გაეროში, ნიკი ჰეილიმ ტრამპის გადაწყვეტილება ჩრდილოეთ სირიიდან ამერიკელი სამხედროების გაყვანაზე შეაფასა, როგორც ღალატი ქურთებისთვის და მათი გაწირვა სასიკვდილოდ.

"ჩვენ მუდმივად უნდა გავუმაგროთ ზურგი ჩვენს მოკავშირეებს, თუ ჩვენ ველოდებით მათგანაც იმავე მხარდაჭერას. ქურთები უმნიშვნელოვანეს დამხმარე ფაქტორს წარმოადგენდა აშშ-სთვის ISIS-ის დამარცხებაში სირიის ტერიტორიაზე. მათი გაწირვა სასიკვდილოდ არის უდიდესი შეცდომა"- აღნიშნა ნიკი ჰეილიმ ტვიტერის საკუთარ გვერდზე.

ნიკი ჰეილის სირიის დემოკრატიულმა ძალებმა საკუთარი ტვიტერის გვერდზე უპასუხეს და აღნიშნეს, რომ მათ იმედი აქვთ ისეთი ამერიკელი ლიდერების, როგორიც ჰეილია. ისინი იმედს გამოთქვამენ რომ აშშ შეცვლის თავის პოზიციას და არ გაწირავენ სასიკვდილოდ ქურთებს.

აღნიშნულ მდგომარეობას სოციალურ ქსელში გამოეხმაურა აგრეთვე აშშ-ს პრეზიდენტობის ყოფილი კანდიდატი, იუტას სენატორი მიტ რომნი: ,,პრეზიდენტის გადაწყვეტილება, მიატოვოს ჩვენი ქურთი მოკავშირეები თურქეთთან ბრძოლაში არის ღალატი. აღნიშნული ფაქტი ხაზს უსვამს, რომ აშშ არასანდრო პარტნიორია. დიდი შანსია, ISIS-ის ტერორისტული ჯგუფები აღორძინდნენ , რაც მოასწავებს შემდგომ ჰუმანიტარულ კატასტროფას.