16 წლის შვედი აქტივისტი, გრეტა თანბერგი წარდგენილია ნობელის პრემიაზე გლობალურ დათბობასა და კლიმატის ცვლილების საკითხებზე მის მიერ შეტანილი ღვაწლის გამო. თანბერგი ცნობილი გახდა 2018 წელს, როდესაც მან შვედეთის პარლამენტში გააპროტესტა მსოფლიოს უმოქმედობა კლიმატით გამოწვეული საფრთხეების მიმართ არაპრევენციული ღონისძიებების გატარების გამო.

,,ჩვენ უნდა მივანიჭოთ ჯილდო გრეტა თანბერგს იმ გაწეული შრომისა და ღვაწლის გამო,რაც მან გასწია კლიმატურ ცვლილებებთან დაკავშირებით. ჩვენ თუ არაფერს ვიღონებთ აღნიშნულ საკითხთის მოგვარებაში, ეს გამოიწვევს ომებს, კონფლიქტებსა და ემიგრაციებს“ ,- განაცხადა ნორვეგიელმა პარლამენტარმა, ფრედი ანდრემ.

იმ შემთხვევაში, თუ ახალგაზრდა აქტივისტი, მიიღებს ამ პრიზს, ის იქნება ყველაზე ახალგაზრდა ადამიანი, რომელიც დაეუფლება ნობელის პრემიას.

ნობელის პრემიის გამარჯვებულები ფორმალურად დასახელდებიან ოქტომბრის თვეში, რომელსაც მიანიჭებენ სპეციალური კომისიის წარმომადგენლები, ხოლო ოფიციალური ცერემონია კი გაიმართება 10 დეკემბერს, ოსლოში.