კიევში „შტაინმაიერის ფორმულის“ წინააღმდეგ აქციები იმართება. კიევის ცენტრში შეკრებილი აქტივისტები აცხადებენ, რომ „შტაინმაიერის ფორმულაზე“ თანხმობა კაპიტულაციის ტოლფასია.

დემონსტრანტები მაიდანზე არიან შეკრებილები. ისინი ზელენსკის მოუწოდებენ, არ დათანხმდეს ამ ფორმულას და არ დაიხიოს უკან მოლაპარაკებებზე.

"არ დათმოთ უკრაინის პოზიცია, არ მიანიჭოთ ოკუპირებულ ტერიტორიებს არანაირი სტატუსი და არ დაგავიწყდეთ, რომ რუსეთი კვლავ რჩება აგრესორ სახელმწიფოდ," - აცხადებენ მიტინგზე გამომსვლელები.

გერმანიის საგარეო საქმეთა ყოფილი მინისტრისა და მოქმედი პრეზიდენტის მიერ 2015 წელს შეთავაზებული ფორმულაზე თანხმობა კიევში გასულ კვირას განაცხადეს. ეს ფორმულა დონეცკისა და ლუგანსკის ზოგიერთი რაიონებისთვის განსაკუთრებული სტატუსის მინიჭებას ითვალისწინებს.