დონბასში მშვიდობა არ იქნება კაპიტულაციისა და ეროვნული ინტერესების ხარჯზე

დონბასში მშვიდობა არ იქნება კაპიტულაციისა და ეროვნული ინტერესების ხარჯზე - ზელენსკი

მსოფლიო - 10:52, 04 Oct, 2019

1325

უკრაინაში ბოლო პერიოდში აგორებული ვნებათაღელვის გამო ვოლოდიმირ ზელენსკიმ კომენტარი გააკეთა სადაც იგი აღნიშნავს, რომ უკრაინული მთავრობის განზრახვა, მიაღწიოს დონბასში მშვიდობას, არ მოხდება კაპიტულაციისა და ეროვნული ინტერესების უგულველყოფის ხარჯზე - ინფორმაციას ავრცელებს UNIAN.

მისი განცხადებით, 4 ლიდერის შეხვედრაზე ნორმანდიის ფორმატზე განხილული იქნება გზები ცეცხლის შეწყვეტისა აღმოსავლეთ უკრაინაში.

მან კითხვაზე - მოაწერდა თუ არა ახალ კანონს ოკუპირებული რეგიონების ახალ განსაკუთრებულ სტატუსზე , უპასუხა, რომ ამას არც აპირებდა.

ზელენსკიმ აღნიშნა, რომ პარტნიორებთან ერთად შეადგენს ახალ კანონს ლუგანსკისა და დონეცკის რეგიონების სტატუსის შესახებ, რომელსაც განიხილავენ საჯაროდ ხალხთან და არ გადალახავენ წითელ ხაზებს, რომელიც მათ ნაციონალურ ინტერესებს შეურაცხყოფას მიაყენებს.

„არანაირი კაპიტულაცია, ეროვნული ინტერესების უარყოფა , არანაირი მოლაპარაკება და გლობალური ნაბიჯების გადადგმა ხალხის თანხმობის გარეშე არ იქნება . ჩვენ გვსურს მხოლოდ ხალხის დაბრუნება, ტყვეების ოჯახში დაბრუნება და მშვიდობის დამყარება“,- განაცხადა ვიდეო მიმართვაში ვოლოდიმირ ზელენსკიმ.