რუსი ჟურნალისტი, ვლადიმერ სალოვიოვი აცხადებს, რომ უკრაინა უახლოეს მომავალში კიდევ დაკარგავს ახალ ტერიტორიებს. რუსი ტელეწამყვანი უკრაინის პრეზიდენტს, ვოლოდიმირ ზელენსკის მისი წინამორბედის, ვიქტორ იანუკოვივიჩის ბედს უწინასწარმეტყველებს და ამბობს, რომ მასაც მოუწევს ქვეყნიდან გაქცევა.

,,მაიდანის შემდეგ 2014 წელს უკრაინამ დაკარგა ყირიმი და დონბასი, კიდევ რომელ ახალ რეგიონებს დაკარგავენ უკრაინელები მორიგი მაიდანის შემთხვევაში? ზელენსკი გაიმეორებს იანუკოვიჩის 2014 წლის სცენარს, თუ ელცინივით დედაქალაქში ტანკებს გამოიყვანს? გაიქცევა თუ სამხედროებს გამოიყვანს ქუჩებში?“ ,- რიტორიკულ კითხვებს სვამს ტვიტერის საკუთარ გვერდზე კრემლის პრპოაგანდისტი ჟურნალისტი.