al jazeera-ს ინფორმაციით ბაღდადში სამართალდამცავებსა და დემონსტრანტებს შორის დაპირისპირება სისხლისღვრაში გადაიზარდა.

გარდაცვლილთა რიცხვი შეტაკებების შედეგად 20-მდე გაიზარდა, ხოლო ასეულობით ადამიანი მძიმედ დაშავდა. ხელისუფლების მიერ რამდენიმე ქალაქში დაწესებული კომენდანტის საათის მიუხედავად, ადამიანთა რაოდენობა, რომლებიც აპროტესტებენ ქვეყანაში არსებულ მძიმე ვითარებას და მთავრობის ძალადობრივ საქმიანობას, არ იკლებს.

ქვეყნის პრემიერ მინისტრმა, აბდელ აბდელ მაჰდიმ გამოაცხადა აკრძალვა საჯარო შეკრებებზე, რომელიც უზღუდავდა მოქალაქეებს ბაღდადის თავისუფლების მოედანზე გამოსვლას, თუმცა ადამიანებმა არ გაითვალისწინეს ხელისუფლების გაფრთხილება და გამოვიდნენ დედაქალაქში მძიმე ეკონომიკური მდგომარეობისა და კორუფციის გასაპროტესტებლად, რომლის შემდეგაც პოლიციამ მათ წინააღმდეგ გამოიყენა ცრემლსადენი გაზი და ლეტალური ტყვიები.