ჩრდილოეთ კორეამ ბალისტიკური რაკეტა გაუშვა წყალქვეშა ნავიდან მას შემდეგ, რაც ფხენიანმა მზადყოფნა განაცხადა აშშ-სთან ბირთვულ შეიარაღებაზე მოლაპარაკების განახლებასთან დაკავშირებით.

ჩრდილო კორეელი მაღალჩინოსნების განცხადებით რაკეტა გაუშვეს ვონსანის პორტიდან, რომელმაც 450 კილომეტრ მანძილი დაფარა და 910 კილომეტრ სიმაღლემდე აფრინდა, რომლის შემდეგაც იგი იაპონიის ზღვაში ჩამოვარდა.

იაპონიის პრემიერის, შინზო აბეს განცხადებით, ეს არის გაერთიანებული ერების ორგანიზაციის მიერ უსაფრთხოების საბჭოზე მიღებული რეზოლუციის უგულებელყოფა, რომელიც უკრძალავს ჩრდილოეთ კორეას ბალისტიკური რაკეტების გამოყენებას.

"ჩრდილოეთ კორეას როგორც ჩანს, უნდა საკუთარი პოზიციები და მოთხოვნები წააყენოს დენუკლეარიზაციასთან დაკავშირებით, მანამ სანამ მოლაპარაკება აშშ-სთან განახლდება",- განაცხადა კორეის საკითხებში ამერიკის ეროვნული ინტერესების უფროსმა მკვლევარმა და ანალიტიკოსმა, ჰარი კაზიანისმა.