ჩინეთმა მსოფლიოს უახლესი შეიარაღების მიღწევები წარუდგინა

მსოფლიო - 15:08, 01 Oct, 2019

4181

ჩინეთმა სამხედრო აღლუმზე უახლესი შეიარაღება წარმოადგინა, რომელიც თავისი შესაძლებლობებით, როგორც ჩინელმა ექსპერტებმა განაცხადეს, გაცილებით აღემატება მაღალტექნოლოგიური უნარებით რუსულ და ამერიკულ ტექნიკას.

სამხედრო ანალიტიკოსებისთვის განსაკუთრებით თვალშისაცემი იყო ჩინური სტელსის ტექნოლოგიებით დამზადებული GJ-11-ის ტიპის უპილოტო შეტევითი თვითმფრინავი. როგორც ამბობენ, ამ საფრენ აპარატს შეუძლია მტრის სიღრმეში სტრატეგიული დანიშნულების ობიექტებზე განახორციელოს დარტყმები ისე, რომ მოწინააღმდეგის რადარებმა ვერ დააფიქსირონ- ჩინელმა დამპროექტებლებმა განაცხადეს , რომ თვითმფრინავს გააჩნია რადიოტალღების ასხლეტვის ყველაზე მანევრული უნარი , რომელიც მის ანალოგებს ბევრად აღემატება.

საზოგადოების ყურადღება მიიპყრო ასევე უახლესმა ბალისტიკურმა რაკეტებმა და ვერტმფრენებმა , რომელიც ჯერ-ჯერობით უცნობია მსოფლიოსთვის.

სამხედრო აღლუმზე გამოჩნდა აგრეთვე მორიგი სტელსის ტექნოლოგიებით დამზადებული სადაზვერვო უპილოტო თვითმფრინავი wz-8, რომელსაც ჩინელი ექსპერტების შეფასებით, მაღალ სიმაღლეზე ფრენისა და დიდი სიჩქარის წყალობით შეუძლია სატელიტურ აპარატებზე უკეთ და სწრაფად შეაგროვოს სადაზვერვო ინფორმაცია.