ჰონგ-კონგში დაპირისპირებამ პოლიციელებსა და დემონსტრანტებს შორის ძალზე მწვავე ფორმა შეიძინა- სამართალდამცველებმა ნამდვილი ტყვიები გამოიყენეს აქციის მონაწილეთა წინააღმდეგ, რომლებიც აპროტესტებდნენ ჩინეთის კომუნისტური პარტიის 70 წლისთავისადმი მიძღვნილ საზეიმო ღონისძიებებს.

ახალგაზრდები წვავენ ჩინეთის სახალო რესპუბლიკის დროშებს და მოუწოდებენ ყველას, არ ამიიღონ მონაწილეობა დიქტატორული სახელმწიფოს მმართველობითი რეჟიმისადმი მიძღვნილ სადღესასწაულო შეკრებებში.

პოლიციამ ლეტალური ტყვიების გამოყენებამდე მომიტინგეებს წყლის ჭავლი და რეზინის ტყვიები დაუშინა. არაერთი ფაქტია ასევე მომიტინგეთა მხრიდან პოლიციელების სასტიკად ცემის შესახებ. ადგილობრივი მთავრობა მოუწოდებს მომიტინგეებს დაშოშმინებისკენ, წინააღმდეგ შემთხვევაში ემუქრება ადეკვატური ზომების მიღებით.

შეტაკებების შედეგად მძიმედ დაშავდა 15 ადამიანი, რომელთაგან ერთი კრიტიკულ მდგომარეობაშია, თუმცა არ ამბობენ ექიმები რა სახის დაზიანებები აღენიშნება დაზარალებულს. გავრცელებული ინფორმაციის თანახმად იგი მკერდშია დაჭრილი- ამ ინფორმაციას კი საავადმყოფოს ადმინისტრაციაში ამ დრომდე არ ადასტურებენ.