ამერიკის შეერთებული შტატების სახელმწიფო დეპარტამენტმა ჰილარი კლინტონის წინააღმდეგ გამოძიება განაახლა. საქმე 2009-2013 წლებში, სახელმწიფო მდივნის პოსტზე მუშაობისას, მის მიერ საკუთარი ელექტრონული ფოსტის სამსახურეობრივი მიმოწერისთვის გამოყენებას ეხება.

დიპლომატიური უსაფრთხოების ბიუროს გამომძიებლები სახელმწიფო დეპარტამენტის 130-მდე ყოფილ და მოქმედ თანამშრომელს დაუკავშირდნენ და შეატყობინეს, რომ რამდენიმე წლის წინ მათ მიერ გაგზავნილი წერილები ახლა გასაიდუმლოებულია და "უსაფრთხოების პოტენციურ დარღვევას" წარმოადგენს.

აღსანიშნავია, რომ საგამოძიებო მოქმედებბეის განახლება დემოკრატების მიერ ტრამპის იმპიჩმენტის პროცედურის მეორე დღეს მოხდა.