ამერიკის შეერთებული შტატების პრეზიდენტი დონალდ ტრამპი აცხადებს, რომ მისთვის იმპიჩმენტის გამოცხადებას არ დაუშვებს და „ტვიტერში“ ვიდეომიმართვას ავრცელებს.

„ის, რაც ახლა ხდება, ერთი დიდი სიცრუეა ამერიკული პოლიტიკის ისტორიაში. დემოკრატებს სურთ შემაჩერონ მე, რადგან მე თქვენთვის ვიბრძვი, მათ სურთ წაგართვან თქვენი იარაღი, თქვენი ჯანდაცვა, თქვენი ხმები, თქვენი თავისუფლება, თქვენი მოსამართლეები. მათ სურთ, წაგართვან ყველაფერი. ჩვენ ამას არასდროს დავუშვებთ“, – აცხადებს დონალდ ტრამპი.

ტრამპის იმპიჩმენტის პროცედურა დემოკრატიულმა პარტიამ მას შემდეგ დაიწყო, რაც დონალდ ტრამპისა და უკრაინის პრეზიდენტ ვლადიმირ ზელენსკის შორის შემდგარი სატელეფონო საუბრის შესახებ გახდა ცნობილი.