საუდის არაბეთის საგარეო საქმეთა მინისტრის, აბდელ ალ-ჯუბეირის განცხადებით, ირანის წინააღმდეგ კონტრზომების მისაღებად მრავალ შესაძლო ვარიანტთან ერთად სამხედრო პასუხიც განიხილება. არაბი მაღალჩინოსნის განცხადებით, არაბეთის სამეფოს ომის თავიდან აცილება სურს, ირანი კი აუცილებლად პასუხს აგებს უპილოტო დრონებითა და ფრთოსანი რაკეტებით თავდასხმის გამო.

ომის და ესკალაციის თავიდან აცილებას ყველა ცდილობს, ამიტომ ყველა ვარიანტს განვიხილავთ, რომლებზეც ხელი მიგვიწვდება. ჩვენ საჭირო დროს მივიღებთ გადაწყვეტილებას. შესაძლოა, ირანს სამხედრო პასუხიც გავცეთ“, - განაცხადა ადელ ალ-ჯუბეირმა. მისი თქმით, პოლიტიკური მეთოდებითა და მხოლოდ ეკონომიკური ბერკეტების გამოყენებით ირანზე ზემოქმედება არც წარსულში მუშაობდა და არც მომავალში გამოიღებს სასურველ შედეგს.

აღნიშნულ თავდასხმაზე იემენის სამოქალაქო ომში ირანის მხარდაჭერილმა ჰუსიტმა ამბოხებულებმა აიღეს საკუთარ თავზე პასუხისმგებლობა, თუმცა საუდის არაბეთის მაღალჩინოსნების თქმით, ამ მასშტაბის შეტევის განხორციელება არ შეუძლიათ ამბოხებულებს, რადგან დაგეგმილი სპეცოპერაციის მასშტაბის კვალი არაბების მიერ წარმოდგენილი მასალებით მიდის სწორედ ირანის შეიარაღებულ ძალებთან.