ბრიტანეთის პოლიცია ეძებს ეჭვმიტანილ მამაკაცს, რომელიც ბირმინგემში თავს დაესხა 3 ქალბატონს 1 საათის ინტერვალში. დეტექტივებმა სათვალთვალო კამერებიდან ამოიღეს ძებნილი მამაკაცის ფოტოები, რომელსაც ბრალად ედება გაუპატიურება, ძარცვა და ფიზიკური ზიანის მიყენება.

მისი პირველი მსხვერპლი აღმოჩნდა 35 წლის ქალბატონი , რომელიც ჯერ გააუპატიურა, შემდეგ კი წაართვა ყელსაბამი და მიიმალა. რამდენიმე წუთის შემდეგ იგი თავს დაესხა 46 წლის ქალს , რომელსაც წაართვა ხელჩანთა და ისიც გააუპატიურა. გარკვეული პერიოდის შემდეგ კი სათვალთვალო კამერამ მესამე შემთხვევა დააფიქისრა, რომელშიც ნათლადაა ასახული თუ როგორ აყენებს ფიზიკურ შეურაცხყოფას ეჭვმიტანილი დაზარალებულს.

ბირმინგემის პოლიციის ზედამხედველმა ედ ფოსტერმა განაცხადა, რომ ისინი იძიებენ მამაკაცის მიერ 3 თავდასხმის ფაქტს ქალზე. მაღალჩინოსნის განცხადებით, პირველ მსხვერპლს აღენიშნება მრავლობითი მოტეხილობა მხარზე. დაზარალებულებმა პოლიციელებს მიაწოდეს ზუსტი აღწერილობა დამნაშავის გარეგნობაზე, რომლის შემდეგაც ბრიტანეთის მთელს ტერიტორიაზე ძებნაა გამოცხადებული 20-იდან 30 წლამდე ბოროტმოქმედზე მუქი ყავისფერი თმითა და ბლანჟით. დაზარალებულთა ინფორმაციით მას შავი მაისური , დახეული ჯინსები და შავი ტყავის ქურთუკი ეცვა.