ირანის პრეზიდენტმა გაეროს გენერალურ ასამბელაზე გამოსვლისას დაადანაშაულა ამერიკის შეერთებული შტატები შეუბრალებელი ეკონომიკური ტერორიზმის განხორციელებასა და ,,საერთაშორისო მეკობრეობაში’’ სპარსეთის ყურის რეგიონში.

მისი განცხადებით, რეგიონის უსაფრთხოების გარანტორობა შეიძლება მხოლოდ ირანის უსაფრთხოების კვალდაკვალ მოხდეს. იგი არ აპირებს მოლაპარაკების წარმოებას აშშ-სთან ირანის ბირთვულ პროგრამაზე, მანამ სანამ სანქციები მისი ქვეყნის ინტერესებს აზარალებს და ეკონომიკურად ავიწროებს.

გასულ კვირას პრეზიდენტმა ტრამპმა ახალი სანქციები დაუწესა ირანის ცენტრალურ ბანკს, რისი მიზეზიც იყო თეირანის სავარაუდო ჩართულობა საუდის არაბეთის ნავთობმომპოვებელი ობიექტების ფრთოსანი რაკეტებით დაბომბვაში. თავის მხრივ დონალდ ტრამპმა გაეროში გამოსვლისას ირანი პლანეტის ყველაზე დიდ საშიშროებად დაასახელა.