„მომავალი არ ეკუთვნით გლობალისტებს, მომავალი ეკუთვნით პატრიოტებს“ - ტრამპის ნაციონალისტური გზავნილები გაერო-ში და არცერთი სიტყვა ირანის კრიზისზე

მსოფლიო - 09:44, 25 Sep, 2019

1159

მკვეთრად ნაციონალისტური და „გლობალისტების“ წინააღმდეგ მიმართული მესიჯით წარსდგა დონალდ ტრამპი გაეროს საპარლამენტო ასამბლეის სესიაზე, რომელიც ნიუ-იორკში იმართება.

„თუ გსურთ თავისუფლება, იამაყეთ საკუთარი ქვეყნით. თუ გსურთ დემოკრატია, შეინარჩუნეთ სუვერენიტეტი“ - თქვა ტრამპმა. მანვე ხაზი გაუსვა საზღვრებსა და მიგრაციის პროცესის გაკონტროლებაზე და განაცხადა: „თუ გსურთ მშვიდობა, გიყვარდეთ თქვენი ერი. მომავალი არ ეკუთვნით გლობალისტებს, მომავალი ეკუთვნით პატრიოტებს, სუვერენულ და დამოუკიდებელ ერებს, რომლებიც საკუთარ მოქალაქეებზე ფიქრობენ, პატივს სცემენ მეზობლებს და იმ განსხვავებებს, რომელსაც თითოეული ქვეყანა ქმნის“ -განაცხადა ტრამპმა.

ტრამპი არ შეხებია ირანის საკითხს, რომელიც საუდის არაბეთში ნავთობკომპანიის ტერიტორიაზე თავდასხმას უკაბშირდება, რომელზეც პასუხისმგებლობა ტრამპის ადმნისტრაციამ თეირანს დააკისრა.

აშშ-ის პრეზიდენტმა გაეროს ტრიბუნიდან ეროვნული იდენტობისა და ღირებულებების დაცვის შესახებ ისაუბრა და თქვა, რომ ხელისუფლება ვალდებულია დაიცვას თავისი „ისტორია, კულტურა და მემკვიდრეობა“.