უზენაესმა სასამართლომ ბრიტანეთის პრემიერი ჯონსონი ძალაუფლების გადამატებაში დამნაშავედ სცნო

მსოფლიო - 15:44, 24 Sep, 2019

936

დიდი ბრიტანეთის უზენაესმა სასამართლომ ისტორიული გადაწყვეტილება მიიღო - მან ფაქტიურად, პრემიერ-მინისტრი ბორის ჯონსონი ძალაუფლების გადამეტებაში დამნაშავედ სცნო. მოსამართლეთა კოლეგიამ დაადგინა, რომ მის მიერ პარლამენტის სესიის დიდი ხნით შეწყვეტა არაკანონიერი იყო.

შეგახსენებთ, რომ ბრიტანეთშ უზენაესი სასამართლო საკონსტიტუციო სასამართლოს ფუნქციასაც ასრულებს

სასამართლოს თავმჯდომარემ ლედი ჰეილმა განაცხადა, რომ მთავრობამ ვერ წარმოადგინა ვერანაირი გონივრული არგუმენტი იმის დასადასტურებ;ლად, რომ ბრიტანეთის ევროკავშირიდან გასვლის წინ, პარლამენტის სხდომების 5 კვირით შეჩერება აუცილებელი იყო.

ეს გადაწყვეტილება კოლეგიის 11-ვე მოსამართლემ ერთხმად მიიღო.

ამ გადაწყვეტილების შემდეგ ბორის ჯონსონის ყველა ოპონენტი, როგორც ლეიბორისტული, ასევე კონსერვატული პარტიიდან მის გადადგომას ერთხმად მოითხოვს.

თავად ჯონსონი ამჟამად ნიუ-იორკში გაეროს გენერალურ ასამბლეაზე იმყოფება და ჯერჯერობით ამ საკითხზე ოფიციალური კომენტარი არ გაუკეთებია, თუმცა, გადაწყვეტილების გამოცხადებამდე მან თქვა, რომ ის და მისი მთავრობა პატივს სცემს უზენაეს სასამართლოს.

ჯონსონის ოპონენტები აცხადებენ, რომ ჯონსონი შეიძლება ყველაზე ხანმოკლე ვადით მმართველი პრემიერი გახდეს ბრიტანეთი ისტორიაში.