მე ბინძური არსება ვარ - კადიროვის ბრძანებით ჩეჩნეთში "კუდიანებზე ნადირობა" დაიწყო (ვიდეო)

მსოფლიო - 16:59, 23 Sep, 2019

1639

ჩეჩნეთის სახელმწიფო ტელე-რადიო კომპანია "გროზნოს" ეთერში გავიდა სიუჟეტი, სადაც ადგილობრივი სამართალდამცავი ორგანოების მიერ დაკავებული "ჯადოქარი" სახალხოდ იხდის ბოდიშს მისი "საქმიანობის" გამო.

"მე არასწორი გზით მივდიოდი, მე - ბინძური არსება ვარ," - აცხადებს პირდაპირ ეთერში "კუდიანი დედაბერი".

რამდენიემ ხნის წინ, კადიროვის ბრძანებით, ჩეჩნეთში "კუდიანებზე", "მჩხიბავებზე", "ჯადოქრებზე" და ე.წ. "ცრუმკურნალებზე" ნამდვილი ნადირობა დაიწყო. პარალელურად ისლამური მედიცინის თანამშრომლები მოსახლეობას აფრთხილებენ, რომ არ მიმართონ მათ რადგან"ისინი ჩვეულებრივი შარლატანები არიან".

გავრცელებული ინფორმაციით, დაკავებული "კუდიანი" აღიარებს, რომ იგი ფულის სანაცვლოდ მოსახლეობას სთავაზობდა ე.წ. ავი თვალისგან დაცვას, წყევლის მოხსნას, უიღბლობის განეიტრალებას. ხოლო დიდი ფულის სანაცვლოდ მომავალსაც "წინასწარმეტყველებდა". აქვე, სიუჟეტში აღნიშნულია, რომ პოლიციამ ქალის სახლში ჩხრეკისას "ჯადოქრული" იარაღები, საფლავებიდან აღებული მიწა, გაუგებარ ენაზე დაწერილი ტექსტები და სხვა საეჭვო ნივთები აღმოაჩინა.

ტელეაღიარების შემდეგ ქალი გაათავისუფლეს. აღსანშნავია, რომ "კუდიანებზე ნადირობას" ჩეჩნეთის პრეზიდენტის ადმინისტრაციასთან არსებული ადამიანის უფლებების საბჭოს ხელმძღვანელი ხადა სარატოვაც უჭერს მხარს.