რუსეთში ადგილობრივი არჩევნების შემდეგ, "ფულის გათეთრების" მიზეზით ჩხრეკა და რეპრესიები დაიწყო (ვიდეო)

მსოფლიო - 13:38, 14 Sep, 2019

792

გასულ კვირას რუსეთში ჩატარებული ადგილობრივი არჩევნების შემდეგ, სადაც ძირითადად მმართველმა პარტიამ "ედინაია როსიამ" გაიმარჯვა, თუმცა, ოპოზიციამაც გარკვეუილ წარმატებას მიაღწია, ერთგვარი რეპრესიები დაიწყო.

არჩევნებიდან რამდენიმე დღის შემდეგ, პოლიციამ 200-მდე ჩხრეკა ჩაატარა ალექსეი ნავალნის "კორუფციასთან ბრძოლის ფონდის" სხვადასხვა ფილიალში. ჩხრეკა ჩატარდა ფონდის თანამშრომელთა და მათ ნათესავთა სახლებშიც.

ოფიციალურად ჩხრეკა ტარდება პროკურატურის მიერ აღძრული საქმის მიზეზით, რომელიც ვითომდა ფონდის მიერ 1 მილიარდი რუბლის გათეთრებას უკავშირდება. სინამდვილეშ, ოპოზიციას მიაჩნია, რომ ეს ე.წ. "ჭკვიანი არჩევნების" პლატფორმის გამო ხდება. ეს პლატფორმა ეხმარებოდა რუსეთის მოქალაქეებს, რომელთაც არ სურდათ ხმა სახელისუფლო კანდიდატისთვის მიეცათ აერჩიათ მათი სასურველი კანდიდატი.

ინციდენტი მოხდა ბურიატაიშიც, სადაც მერის არჩევნების შედეგების გამოცხადების შემდეგ მოსახლეობა ქუჩაში გამოვიდა. ისინი გაყალბებული არჩევნების გაპროტესტებასთან ერთად, "პუტინის გამდევნელი" შამანის მომხრეების დაკავებასაც აპროტესტებდნენ.

როგორც ჩანს პუტინის რეჟიმს აშკარად ეშინია ოპოზიციის მომხრეთა ზრდის და მომავალი საპარლამენტო არჩევნებისთვის ველის მოსუფთავებას ცდილობს.