ბელორუსის პრეზიდენტმა ალექსანდრ ლუკაშენკომ იმედი გამოთქვა, რომ 2021 წელს დონალდ ტრამპი მინსკს ეწვევა. ამის შესახებ მან ევროპა-აშშ მსუბუქი ათლეტიზმის მატჩზე განაცხადა, რომელიც მინსკში ტარდება და გამოვიდა წინადადებით რომ მომავალი მატჩიც, რომელიც 2 წლის შემდეგ უნდა გაიმართოს, ისევ მინსკში ჩატარდეს.

ევროპა-აშშ-ის შემდეგი მატჩი თანმიმდევრობის მიხედვით 2021 წელს აშშ-ში უნდა ჩატარდეს თუმცა ამავე წელს აშშ-ში მსუბუქი ათლეტიზმის მსოფლიო ჩემპიონატიც იმართება, წესების მიხედვით კი ამ ორი ტურნირის გაეთიანება არ შეიძლება. სწორედ ამიტომ ლუკაშენკომ მსუბუქი ათლეტიზმის საერთაშორისო ფედერაციას მინსკი შესთავაზა და ამასთან დაკავშირებით იხუმრა კიდეც.

„მე გპირდებით, რომ 2 წლის შემდეგ მინსკი აშშ-ის დედაქალაქი გახდება“- განაცხადა ლუკაშენკომ.

„ვაზუსტებ, რომ იმაში არ დაგვდონ ბრალი თითქოს ამერიკასთან მიერთება გვსურს. იმ დღეებში. თუ გვენდობიამ მინსკი გახდება აშშ-ის დედაქალაქი, რადგან ამ მატჩის გამართვა აშშ-ს უწევს. დონალდ ტრამპთან მოვრიგდებით. 2021 წელს ის არჩევნებში გაიმარჯვებს და ამ სტადიონზეც გამოჩნდება, ამ საუკუნის მატჩზე დასასწრებად.“- განაცხადა ლუკაშენკომ.