თურქეთის პრეზიდენტმა რეჯეფ თაიფ ერდოღანის განცხადებით, მიუღებელი ის, რომ თურქეთს ბირთვული იარაღის ფლობის უფლება არ აქვს. ეს განცხადება ერდოღანმა თურქეთის ქალაქ სივაში მმართველი პარტიის მხარდამჭერებთან შეხვედრაზე განაცხადა. მისი თქმით, სახელმწიფოები, რომელთაც უკვე აქვთ ბირთვული იარაღი აქტიურად ახორციელებენ ზეწოლას სხვებზე, რომ არ დაუშვან მათ მიერ ბირთვული ტექნოლოგიების შეძენა.

„ზოგ ქვეყანას აქვს რაკეტები ბირთვული ნაწილებით, არა ერთი და ორი. თუმცა გვეუბნებიან, რომ ჩვენ ამის ფლობის უფლება არ გვაქვს. ეს ჩემთვის დაუშვებელია“- განაცხადა ერდოღანმა, ერდოღანმა გამოსვლაში ისრაელიც ახსენა და აღნიშნა, რომ ამ ქვეყანას ვერავინ ეხება, რადგან მას ბირთვული იარაღი აქვს..

ერდოღანს არ დააუკონკრეტებია აპირებს თუ არა ანკარა იარაღის კლასის ბირთვული ტექნოლოგიის შეძენას ან განვითარებას. შეგახსენებთ, 1980 წელს თურქეთმა ხელი მოაწერა ბირთვული იარაღის გაუვრცელებლობის შესახებ ხელშეკრულებას, ასევე 1996 წელს ხელი მოაწერა ყოვლისმომცველი აკრძალვის ხელშეკრულებას.