დღეს 17:00 საათზე, თბილისის ზოოპარკში ახალი ზღაპარის "წყალდიდობა ზოოპარკში" პრეზენტაცია გაიმართება.

ეს არის ამბავი, თუ როგორ დაიმალა ზოოპარკიდან გაქცეული ნიანგი სათამაშოების მაღაზიაში, ლომზე, რომელმაც ცრუპენტელა კაცის სახლში დაიდო ბინა და, რა თქმა უნდა, ბეჰემოთზე, რომელმაც ზოოპარკის სხვა ბინადრები დახრჩობას გადაარჩინა. ავტორები თეა თოფურია და სონია ელიაშვილი წაიკითხავენ წიგნს და ბავშვებს გაესაუბრებიან ცხოველებზე, მათ მოვლასა და გაფრთხილებაზე - იმაზეც, თუ როგორი შეიძლება იყოს დღეს ზოოპარკი.

ზოოპარკის ადმინისტრაცია იწვევს ყველა პატარას. დასწრება თავისუფალია.

2015 წლის 13 ივნისის ტრაგედიიდან 4 წელი გავიდა. სტიქიის შედეგად გარდაიცვალა 21 და უგზო-უკვლოდ დაიკარგა 2 ადამიანი, დაზარალდა 239 ოჯახი და 1 041 ფიზიკური პირი, განადგურდა ზოოპარკის ინფრასტრუქტურა, დაიღუპა 281 ცხოველი.