სირიაში 35 წლის ბელგიელი ანუარ ჰადუში დააკავეს, რომელიც „ისლამური სახელმწიფოს“ წევრია. პოლიცია ახალგაზრდა მამაკაცს 100 ადამიანის მკვლელობას ედავება.

ჰადუში „ჯალათის“ სახელით არის ცნობილი. 2009 წლიდან მეუღლესთან ერთად ის დიდი ბრიტანეთის ტერიტორიაზე ცხოვრობდა. 2014 წელს კი წყვილი ახლო აღმოსავლეთში წავიდა და ტერორისტულ დაჯგუფება „ისლამურ სახელმწიფოს“ შეუერთდა.

სირიაში ცხოვრების დროს გაყალბებული საბუთების საშუალებით ბირმინგემში ცხოვრებისთვის იღებდა ყოველთვიურ სოციალურ დახმარებას. არსებობს ეჭვი, რომ აღნიშნული თანხით 2015 და 2016 წლებში, პარიზსა და ბრიუსელში მომხდარი ტერაქტი დაფინანსდა.