ბრიტანეთის შინაგან საქმეთა სამინისტრომ მოამზადა კანონპროექტი, რომელიც ხელს შეუწყობს არალეგალი ემიგრანტების რიცხვის შემცირებას. გაეროს მონაცემებით, დიდი ბრიტანეთი ტრადიციულად შედის იმ ათ ქვეყნაში, რომლებიც უცხოლებისთვის ყველაზე მეტად მიმზიდველია. შსს-ს ხელმძღვანელის - ტერეზა მეის თქმით, კანონპროექტის მიზანია - შეიქმნას არალეგალებისთვის „არასასურველი გარემო“. ხელისუფლება ამის გაკეთებას, ჩასულთა დოკუმენტების სრული შემოწმებით და დეპორტაციის გამარტივებით აპირებს.

-დიდი ბრიტანეთი ემიგრანტებს მთელ რიგ შეღვათებს თავაზობს, რადგან დღემდე კოლონიალური წარსულის დანაშაულს განიცდის. შედეგად ჩვენთან ჩამოდიან მთელი ოჯახებით, რომლებშიც 6-7 წევრია, - ამბობს ბრიტანეთის ნაციონალური პარტიის წევრი საიმონ დარბი. - თუ ლონდონი ახლა არ შემოიღებს შეზღუდვებს, 50 წლის შემდეგ მოსახლეობის ჩანაცვლება მოხდება, ხოლო ბრიტანეთი მუსულმანური ქვეყანა გახდება.

ეს საფრთხე უფრო გამძაფრდა ახლო აღმოსავლეთში განვითარებული მოვლენების, კერძოდ კი სირიიდან მასიური მიგრაციის გამო. საიდანაც გაეროს მონაცემებით 2 მილიონი ადმაიანი გავიდა.

არსებული კანონმდებლობით, ლონდონმა 12 წლის განმავლობაში ვერ შეძლო ისლამის მქადაგებლის - აბუ ქატადის დეპორტაცია. კანონპროექტის მიხედვით კი, ემიგრანტების საბუთების გადამოწმება ბინების გამქირავებლებსაც მოუწევთ, არალეგალზე გაქირავების შემთხვევაში მათ 3 ათასი ფუნტი სტერლინგის ოდენობის ჯარიმა დაეკისრებათ. არალეგალები ამიერიდან ვეგარ შეძლებენ ვერც მართვის მოწმობის აღებას და ვერც სამედიცინო დახმარებას მიიღებენ.

izvestia.ru