G7-ის სამიტის წევრი ქვეყნების ლიდერები შეთანხმდნენ, რომ საუბარი ჯერჯერობით ნაადრევია. ამის შესახებ ინფორმაციას დიპლომატიურ წყაროებზე დაყრდნობით უცხოური მედია ავრცელებს.

ლიდერებმა ეს საკითხი 24 აგვისტოს, არაფორმალურ ვახშამზე განიხილეს.

რამდენიმე დღით ადრე, ამ საკითხზე ემაუილ მაკრონმა და დონალდ ტრამპმა ისაუბრეს და არ გამორიცხეს, რომ შემდეგ სამიტზე, რომელიც 2020-ში აშშ-ში გაიმართება, შეიძლება ვლადიმირ პუტინიც ყოფილიყო მოწვეული.

საფრანგეთის ქალაქ ბიარიცში G7-ის სამიტი 24 აგვისტოს დაიწყო და 26 აგვისტოს დასრულდება. G7-ი გერმანიას, საფრანგეთს, იტალიას, დიდ ბრიტანეთს, კანადას, აშშ-სა და იაპონიას აერთიანებს, სხდომებს ასევე ევროკავშრის წარმომადგენელიც ესწრება.

1998-2014 წლებში ამ ფორუმში რუსეთიც მონაწილეობდა და მას G8 ეწოდებოდა, თუმცა უკრაინის მოვლენების შემდეგ იგი ფორმატიდან გარიცხეს.