პუტინის მიერ ნაქები ტანკი Т-14 "Армата" არაბრძოლისუნარიანია

პუტინის მიერ ნაქები ტანკი Т-14 "Армата" არაბრძოლისუნარიანია - რუსული მედია

მსოფლიო - 18:34, 24 Aug, 2019

2711

რუსეთის თავდაცვის სამინისტრო არ ჩქარობს, რომ შეიარაღებულ ძალებში პუტინის მიერ ნაქები ტანკი Т-14 "Армата" შეიარაღებაში აიყვანოს. 2019 წლის ბოლომდე სვერდლოვსკის ქარხანა "Уралвагонзавод"-ი სამინისტროს მხოლოდ 16 ერთეულ საბრძოლო მანქანას მიაწვდის. პარალელურად გრძელდება ტანკის გამოცდა.

რუსული მედია იუწყება, რომ ტანკის ზოგიერთი საბრძოლო სისტემა სერიოზულ გადამუშავებას საჭიროებს.

"დამუშავება სჭირდება ტრანსმისიას, ძალოვან დანადგარებს, დამიზნების სისტემას. ტანკის ქვემეხისთვის აუცილებელია ახალი საბრძოლო მასალის ნომენკლატურის შემუშავება, მათ შორის მართვად რაკეტებს.რომელიც ფრენის ტრაექტორიის დროს უნდა აფეთქდეს," - წერს "სამხედრო სამრეწველო კურიერი".

გამოცემა წერს, რომ კაფსულის, როგორც ტანკის კოშკურის მოტრიალება ფაქტიურად შეუძლებელია, ძირითადი აქცენტი კეთდება ოპტიკურ საშუალებებსა და ელექტრონიკაზე, რომელსაც შეიძლება ბრძოლის დროს ხარვეზები გაუჩნდეს.

კონტრაქტის თანახმად, 2021 წლისთვის ქარხანას სამინისტროსთვის 132 ტანკი უნდა მიეწოდებინა. 16 ტანკი, რომელიც ამჟამად მზად არის იმის ნახევარია, რაც ყოველწლიურად უნდა გამოუშვას "Уралвагонзавод"-მა. შეუძლებელია, რომ 4 თვეში ეს მოხერხდეს.

შეგახსენებთ, რომ ტანკის პროექტირება 2015 წლისთვის დასრულდა და მას ფართო რეკლამა გაუკეთდა მოსკოვში, მეორე მსოფლიო ომში გამარჯვების 70 წლისთავისადმი მიძღვნილი აღლუმის დროს. შეგახსენებთ, რომ 2018 წელს რუსული მედია წერდა, რომ ტანკი Т-14 "Армата" რუსეთის სამრეწველო კომპლექსს ძალიან ძვირი უჯდება.