პირველი დანაშაული კოსმოსში - საერთაშორისო კოსმოსური სადგურიდან საბანკო ანგარიში გატეხეს

მსოფლიო - 17:35, 24 Aug, 2019

1367

NASA იძიებს საერთაშორისო კოსმოსურ სადგურზე მომხდარ ინციდენტს, რაც დადასტურების შემთხვევაში შეიძლება პირველი დანაშაული გახდეს, რომელიც კოსმოსში მოხდა. საქმე ეხება კოსმოსიდან სხვისი საბანკო ანგარიშის გატეხვას.

ამერიკელი ასტრონავტი ენ მაკლეინი აღიარებს, რომ კოსმოსურ სადგურზე ყოფნისას იგი მისი ყოფილი ერთსქესიანი მეუღლის საბაკო ანგარიშზე მისგან დაუკითხავად შევიდა. ამასთან, ენი თვლის, რომ მას დანაშაული არ ჩაუდენია.

საქმე მას შემდეგ გახმაურდა, რაც ენის მეუღლემ სამერ უორდენმა აშშ-ის ფედერალურ სავაჭრო კომისიაში სარჩელი შეიტანა მის საბანკო ანგრაიშზე არასანქცირებული შესვლისა და პირადი მონაცემების მოპარვის გამო. საქმეს ასევე NASA-ს გენერალური ინსპექტორი იძიებს.

"ჩემი კლიენტი აცხადებს, რომ მას უკანონო არაფერი ჩაუდენია. კოსმოსში ყოფნისას მას სურდა დარწმუნებული ყოფილიყო, რომ ოჯახური ბიუჯეტი წესრიგშია, გადასახადებისთვის ფული საკმარისია და მათი ვაჟის საჭიროებისათვის, რომელსაც წყვილი ერთად ზრდიდა, ფული საკმარისია.," - აცახდებს ასტრონავტის ადვოკატი.

სამხედრო მფრინავი ენ მაკლეინი და სამხედრო საჰაერო ძალების დაზვერვის ოფიცერი სამერ უორდენი 2014 წელს დაქორინდნენ. გაყრის შესახებ განაცხადი უორდენმა 2018-ში შეიტანა. მაკლეინს ერაყში 800 საბრძოლო გაფრენა დაუგროვდა. 2013 წლიდან მისით NASA დაინტერესდა.

მაკლეინმა კოსმოსურ სადგურზე 6 თვე გატარა და შეეძლო სხვა ქალ კოსმონავტებთან ერთად 2019 წლის 8 მარტს ღია კოსმოსშიც გასულიყო, თუმცა, მისთვის შესაფერისი სკაფანდრი ვერ მოიძებნა.

რაც შეეხება კანონებს - კოსმოსურ სადგურზე, რომელსაც ერთდროულად ფლობენ აშშ, რუსეთი, კანადა, იაპონია და ევროპის კოსმოსური სააგენტო, ყველა კოსმონავტის მიმართ ის კანონი მოქმედებს, რომელიც მის ქვეყანაშია. იგივე ეხება ქონებას და მისი განკარგვის წესსაც.

ბოლო ხანებში, როდესაც დღის წესრიგში კოსმოსური ტურიზმის განვითარების საკითხი დადგა, აქტუალური გახდა ერთიანი კოდექსის შემუშავება, რომელიც კოსმოსში სისხლის სამართლებრივ და ადმინისტრაციულ სამართალდამრღვევებს დაარეგულირებს.