ბრიტანეთის პრემიერისთვის ემანუელ მაკრონთან შეხვედრა მტკივნეული იქნებოდა, ამის შესახებ Telegraph-ში ჟურნალისტი მაიკლ დიკონი წერს, თუმცა არა მოლაპარაკებების მთავარ თემის ‘ბრექსიტის“, არამედ ხელისჩამორთმევის გამო.

მაკრონთან ყოველთვის ასეა, მნიშვნელობა არ აქვს რომელი ლიდერს მასპინძლობს. საფრანგეთის პრეზიდენტი დარწმუნებულია, რომ მკაფიოდ უნდა აჩვენოს ვინ არის აქ უფროსი. მისი სხეულის ენა საოცარია. ის მაშინაც კი აგრესიულად გამოიყურება, რომდესაც სურს რომ მეგობრული ჩანდეს.

ის აგრესიულად ართმევს ხელს. იღიმება, მაგრამ ასევე აგრესიულად. თუმცა მაკრონის სტანდარტებითაც კი ჯონსონთან შეხვედრა უჩვეულო იყო. მან მაშინვე ჩაიგდო ჯონსონის ხელი ხელში და თან ხელს ართმევდა და თან უჭერდა.

ყველაფერი ეს საკმაოდ დიდხანს გაგრძელდა. მაკრონი ხელის ჩამორთმევას აგრძელებდა მანამდე, სანამ ისინი ჟურნალისტებს რამდენიმე მეტრით არ მოშორდნენ და მხოლოდ მაშინ გაუშვა ხელი.

ყველაფერი ამით არ დასრულებულა, როგორც კი ჯონსონი რამის სათქმელად პირს გააღებდა მაკრონი მას თვალმოუშორებლად უყურებდა, დრო და დრო იღიმოდა, თუმცა როგორც telegraph-ი წერს მისი ღიმილი გავდა ზვიგენის პირს, რომელმაც ეს ესაა ახალი გემრიელი ლუკმა შეამჩნია.

ბორის ჯონსონი არ დანებდა. მანაც გადაწყვიტა მაჩო განესახიერებინა, მუშტები შეკრა, ქვედა ყბა გამოსწია და უფრო და უფრო ფართოდ დადგა ფეხები.