ტანას ხეობაში, სოფელ საყავრესთან გაჩენილი ხანძრის შედეგად, ამ დორის მონაცემებით, 8 დან 10 ჰექტრამდე ფართობი დაიწვა. „ნიუპოსტის“ კორესპონდნეტის ცნობით, ტყეში ცეცხლის ღია კერები აღარ შეინიშნება.

როგორც სახანძრო-სამაშველო ძალების დეპარტამენტის მთავარი სამმართველოს ხელმძრვანელი, გიორგი გერგაული აცხადებს, ადგილზე მუშაობს ცოცხალი ძალა.

„ღია კერები აღარ გვაქვს ტყეში, დაკვამლიანებაა ზოგადად. ხრჩოლავს კუნძები და დამწვარი ხეები. მიმდინარეობს ლოკაციების დამუშავება ცოცხალი ძალის მიერ. ასევე, დილის შვიდი საათიდან ჩართულია შინაგან საქმეთა სამინისტროს სამი ვერტმფრენი, რომლებიც ამუშავებენ დაკვამლიანების ადგილებს. 13 ერთეული ავტოტექნიკა, 250-მდე მეხანძრე-მაშველი და დამხმარე ტექნიკაა მობილიზებული ადგილზე,“-აცხადებს გიორგი გერგაული.

ადგილობრივი ხელისუფლების წარმომადგენლების ინფორმაციით, რომლებიც საყავრეში იმყოფებიან, იმის მიუხედავად რომ ხანძარი სოფელთან ახლოს მძვინვარებს, ცეცხლის დასახლებულ პუნქტზე გადასვლის საფრთხე არ არსებობს. მათი თქმით, ტერიტორიას კლდოვანი ნაწილი ყოფს.

შეგახსენებთ, რომ ხანძარი ტანას ხეობაში გუშინ, დღის მეორე ნახევარში გაჩნდა.