დიდი ბრიტანეთი და გერმანია რუსეთის G8-ში დაბრუნების წინააღმდეგია

მსოფლიო - 19:13, 22 Aug, 2019

956

გერმანიის კანცლერი ანგელა მერკელი და დიდი ბრიტანეთის პრემიერ-მინისტრი ბორის ჯონსონი რუსეთის G8-ში დაბრუნების წინააღმდეგი არიან. ამის შესახებ განცხადება ბერლინში გამართული შეხვედრის შემდგომ პრესკონფერენციაზე გააკეთეს.

გერმანიის ლიდერის განცხადებით, რუსეთი ჯერჯერობით ვერ დაბრუნდება ამ ორგანიზაციაში, რადგან უკრაინის კრიზისი მოგვარებული არ არის და რისეთი არ ასრულებს "მინსკის შეთანმებებს", რასაც დაეთანხმა ბორის ჯობსობი და დაამატა, რომ ამის საფუძველს არც სოლსბერის საქმე იძლევა და იგი წინააღმდეგია, რომ მოსკოვი მსოფლიოს წამყვანი ქვეყნების შვიდეულს შეუერთდეს.

შეგახსენებთ, რომ ემანუილ მაკრონსა და დონალდ ტრამპის სატელეფონო საუბრის დროს აშშ-ის პრეზიდენტი დაეთანხმა ფრანგ კოლეგას, რომ სასურველი იქნებოდა ვლადიმირ პუტინი 2020-ში დაგეგმილ სამიტზე მიეწვიათ და G7 კვლავ G8-დ გარდაქმნილიყო.

ამ საკითხზე უარყოფითი დამოკიდებულება აქვს ევროკავშირსაც, რომლის წარმომადგენელიც "შვიდთა ჯგუფის" შეხვედრებს დამკვირვებლის სტატუსით ესწრება ხოლმე.

ორგანიზაციის წარმომადგენელი აცხადებს, რომ G7 დემოკრატიული ქვეყნების გაერთიანებაა და ის პრობლემები, რის გამოც რუსეთი თავის დროზე იგი გარიცხეს, ჯერ აღმოფხვრილი არ არის და ამ პირობებში მისი დაბრუნება დასავლეთის დემოკრატიის სისუსტის დადასტურება იქნნებოდა.

რაც შეეხება G8-ს, როგორც რუსეთთან კონტაქტის საშუალებას, ევროკავშირის წარმომადგენელი აცხადებს, რომ ამისთვის არსებობს G20-ის ფორმატი, საიდანაც რუსეთი არ არის გარიცხული.