პოლიტიკური კრიზისი იტალიაში - გამოუცხადებს თუ არა ნდობას სენატი ქვეყნის მინისტრთა კაბინეტს

მსოფლიო - 16:47, 19 Aug, 2019

884

20 აგვისტოს იტალიის სენატში სამთავრობო მოსმენაა დაგეგმილი. პრემიერ-მინისტრი ჯუზეპე კონტი პარლამენტის წინაშე მოხსენებით წარსდგება, რის შემდეგადაც დეპუტატებმა უნდა გადაწყვიტონ, გამოუცხადებენ თუ არა ნდობას მის მთავრობას.

ექსპერტები ვარაუდობენ, რომ დებატების შემდეგ თავად გააკეთებს გადადგომის შესახებ განცხადებას და რიგგარეშე არჩევნების დანიშვნის წინაპირობას შექმნის.

კველევბის თანახმად, არჩევნები ამჟამინდელ ვიცე-პრემიერს, შს მინისტრ მატეო სალვინის აწყობს, რომელიც აპირებს მემარჯვენე კოალიცია შექმნას და მტავრობას თავად ჩაუდგეს სათავეში. სწორედ სალვინიმ განაცხადა რამდენიმე ხნის წინ, რომ სამთავრობო კოალიციას ტოვებს.

ექსპერტები თვლიან, რომ რიგგარეშე არჩევნები გარდაუვალია, უბრალოდ საკითხი დგას, თუ როდის დაინიშნება ის. შემოდგომაზე სენატმა მომავალი წლის ბიუჯეტს უნდა უყაროს კენჭი, შესაბამისად, ზოგიერთ პოლიტიკოსს მიაჩნია, რომ არჩევნები ბიუჯეტის კენჭისყრამდე არ უნდა დაინიშნოს, რადგან ამან ქვეყნის სოციალ-ეკონომიკურ მდგომარეობაზე შესაძლოა უარყოფითი გავლენა მოახდინოს.

ამასთან, სალვინის დრო არ აქვს - ლიბერალური ოპოზიცია სექტემბერში თავად აყენებს პარლამენტში სალვინის გადადგომის საკითხი დააყენოს, რომელსაც ბრალად რუსეთიდან უკანონო დაფინასების მიღება ედება. სწორედ ამიტომ, სალვინი აპირებს მოვლენები დააჩქაროს, კოალიცია აგვისტოშივე დაშალოს, რათა არჩევნები უახლოესი მომავლისთვის დაინიშნოს.