კიევის აეროპორტში, ისრაელში ექსტრადიციის წინ, უკრაინელ სამართალდამცავებს "ნარკოინტერნეტის მეფე" გაექცათ

მსოფლიო - 17:08, 16 Aug, 2019

1551

კიევის აეროპორტში, უკრაინელ სამართალდამცავებს "ნარკოინტერნეტის მეფე", ინტერნეტქსელ TeleGrass-ის დამფუძნებელი ამოს დოვ სილვერი გაექცათ. აეროპორტში სილვერი ისრაელში დეპორტაციის მიზნით იყო მიყვანილი. ინფორმაციას ისრაელის პოლიცია ავრცელებს.

მედიის ცნობით, აეროპორტში სილვერმა საპასპორტო კონტროლი გაიარა და პოლიციამ მას ელექტროსმაჯური მოხსნა. ამის შემდეგ ეჭვმიტანილი "დიუთი ფრის" მაღაზიაში შევიდა და გაქრა.

"ნარკოინტერნეტის მეფე", ინტერნეტქსელ TeleGrass-ის მეშვეობით ნარკოტიკებს ისრაელში, აშშ-სა და სხვა ქვეყნებში ავრცელებდა. ქსელის მეშვეობით ძირითადად მარიხუანა ვრცელდებოდა, თუმცა ისრაელის პოლიციის ინფორმაციით, ხდებოდა ასევე კოკაინისა და ექსტაზის გაყიდვაც. მასზე ძებნა იყო გამოცხადებული.

თავად სილვერი აცხადებდა, რომ მისი ინტერნეტქსელი პირველი ნაბიჯი იყო მთელს მსოფლიოში მარიხუანას ლეგალიზაციის გზაზე.

2019 წლის 10 მარტს სილვერი კიევში ჩავიდა, რაზეც Facebook-შიც დაწერა. 12 მარტს იგი კიეველმა სამართალდამცავებმა დააპატიმრეს. მისი მეგობრები აცახდებენ, რომ უკრაინაში იგი მოტყუებით ჩაიყვანეს.

სილვერის დაპატიმრების შემდეგ ისრაელის პოლიციამ 42 ადამიანი დააპატიმრა, რომლებიც TeleGrass-თან იყვნენ კავშირშ. თავად ქსელმა არსებობა შეწყვიტა. კიევის სასამართლომ ამის შმედეგ მას შინაპატიმრობა მიუსაჯა ელეტროსამაჯურის მეშვეობით, ხოლო დღეს იგი ისრაელში უნდა გამგზავრებულიყო.