ანტისაოკუპაციო აქციის მონაწილეები ტელეკომპანია "იმედის" ჟურნალისტებს დღეს ვაჟა-ფშავალას გამზირზე მდებარე ფოსტის შენობიდან საპროტესტო შეტყობინებებს გაუგზავნიან.

მათი თქმით, ამგვარი ქმედებით ისინი სამოქალაქო პოზიციის დაფიქსირებას ისახავს მიზნად.

„იდეა გაჩნდა სიუჟეტის ნახვისთანავე, რომ რაღაც პროტესტი უნდა გამოგვეხატა, რაღაც ფორმით. რადგან არ ვართ მოძალადე ხალხი, გვინდოდა მშვიდობიანი პროტესტი და ის, რომ იმედისთვის მიგვეწოდებინა ზუსტი აზრი. ამიტომ გადავწყვიტეთ, კრეატიული მიზნით, რეგიონები ჩავრთოთ ამ საქმეში და ჩვენც თბილისიდან, მივიდეთ და კონვერტით გავგზავნოთ წერილები, სადაც ეწერება მარტივი მესიჯი, ეს არის სინდისი, ნამუსი და სირცხვილია“-აღნიშნა ერთ-ერთ ორგანიზატორმა.