იტალიაში კუნძულ ლამპედუზასთან გემის ჩაძირვის შედეგად 50-ზე მეტი ადამიანი დაიღუპა. კუნძულ სიცილიადან 100 კილომეტრის მოშორებით, ინციდენტის შედეგად გემი გადაბრუნდა. გემზე 250 ადამიანი იმყოფებოდა. ორმოცდაათამდე ადამიანის წყლიდან ამოყვანა ამ დრომდე ვერ ხერხდება.

გარდაცვლილთა შორის ბავშვებიც არიან. გავრცელებული ინფორმაციის თანახმად, 150 დაზარალებული მაშველებმა უკვე გადაიყვანეს სამედიცინო დაწესებულებაში.

შეგახსენებთ, რომ კუნძულ ლამპედუზას სანაპიროსთან გასულ კვირას აფრიკელი მიგრანტებით დატვირთული გემიც გადაბრუნდა, რის შედეგადაც მსხვერპლმა 319 ადამიანს მიაღწია.