რუსეთის ვიცე-კონსული პანამაში, ევგენი მანილოვი უკრაინის მოქალაქემ დანით დაჭრა. სამართალდამცავების მიერ გავრცელებული ინფორმაციის თანახმად, დამნაშავე ინციდენტის დროს ნარკოტიკული ნივთიერების ზემოქმედების ქვეშ იყო.

აღნიშნული შემთხვევა გუშინ დილით მოხდა, რუსეთის საელჩოს მიმდებარე ტერიტორიაზე.

ინციდენტი მაშინ მოხდა, როდესაც ვიცე-კონსული საელჩოს შენობიდან დაცვასთან ერთად გამოდიოდა. დამნაშავის დაკავება შემთხვევის ადგილზე მოხერხდა. ვიცე-კონსული კი სამედიცინო დაწესებულებაში გადაიყვანეს, მის ჯანმრთელობის მდგომარეობას საფრთხე არ ემუქრება. დამნაშავე კი ამ დროისათვის უკრაინის საელჩოშია გადაყვანილი.