ორ მამაკაცს სიკვდილით დასჯა მიუსაჯეს- ეს წელს ამ განაჩენის პირველი შემთხვევაა იაპონიში. 64 წლის კოიჯი შოჯი და 50 წლის იასუნური სუზუკი ჩამოახრჩვეს პარასკევს. იაპონიის პრემიერ მინისტრის, შინზო აბეს თანამდებობაზე ყოფნის განმავლობაში 2012 წლიდან დღემდე ეს უკვე 38-ე შემთხვევაა სიკვდილით დასჯის.

ეს არის საკმაოდ მძიმე შემთხვევა, თუმცა განაჩენი დადგა იმის გამო, რომ მათ არაერთ უდანაშაულო ადამიანს წაართვეს სიცოცხლე , სწორედ ამიტომ გავეცი ბრძანება მათი სიკვდილით დასჯის’’,- განაცხადა იაპონიის იუსტიციის მინისტრმა, ტაკაში იამაშიტამ.

ბოროტმოქმედების დასჯა და განაჩენის სისრულეში მოყვანა მოხდა საიდუმლოდ, ყოველგვარი წინასწარი გაფრთხილებების გარეშე პატიმრებისა და მათი ოჯახის წევრებისთვის,- აცხადებს ამნესტი ინთერნეიშენალი.იაპონიაში სიკვდილით დასჯა ძირითადად ვრცელდება იმ ადამიანებე, რომელთაც მრავალი მკვლელობა აქვთ ჩადენილი .

კოიჯი შოჯიმ თავის შეყვარებულთან ერთად გაძარცვა და მოკლა ორი დიასახლისი კანგავას პრეფექტურაში 2001 წელს, ხოლო იასუნური სუძუკიმ გაძარცვა და მოკლა სამი ქალი 2004 წელს.

იაპონიის სასამართლოს გადაწყვეტილებით, გასულ წელს რელიგიური სექტის 13 წარმომადგენელი, რომელთაც ბრალად ედებოდათ 1995 წელს იაპონიის მეტროში ზარინის გაზის გაშვება და 12 ადამიანის მკვლელობა, ჩამოახრჩვეს. მხოლოდ იაპონია და ამერიკა არის იმ განვითარებული ქვეყნების რიცხვში, სადაც დღემდე მოქმედებს სიკვდილით დასჯა.