ირანში დაბადებული კანადელი მოქალაქე ირანის ციხიდან გაიქცა 11 წლიანი პატიმრობის შემდეგ და დაბრუნდა კანადაში.

საიდ მალეკპურს მიესაჯა სამუდამო პატიმრობა ირანში, რისი მიზეზიც გახდა მის მიერ შექმნილი ფოტოების ასატვირთი კომპიუტერული პროგრამა, რომელსაც ირანის მთავრობის განცხადებით, ირანულენოვანი პორნოგრაფიული ვებ-საიტები იყენებდნენ. იგი გაიქცა ციხიდან სწორედ მაშინ, როდესაც ირანულმა სასამართლომ იგი მცირე ხნით გაათავისუფლა ციხიდან.

ირანის სასამართლოს მიერ გაცხადებული ინფორმაციის თანახმად, მალეკპური 3 დღით გათავისუფლდა და ეკრძალებოდა ქვეყნის დატოვება.

საერთაშორისო სამართლის პროფესორმა, პეიამ აკავანმა, რომელიც ჩართული იყო მალეკპურის საქმეში, კანადურ მედიასთან ინტერვიუში განაცხადა: ,,იგი გამოუშვეს ციხიდან იმის გამო, რომ ზეწოლა გაეროს ადამიანის უფლებათა დაცვის უწყებიდან დიდი იყო, თუმცა სასამართლოს გადაწყვეტილების თანახმად ის უნდა დაბრუნებულიყო ციხეში, მაგრამ ნაცვლად ამისა, იგი მესამე ქვეყნის გავლით ჩამოვიდა კანადაში’’.

მალეკპური დააკავეს 2008 წელს სწორედ მაშინ, როდესაც იგი სტუმრობდა ირანში მამამისს, რომელსაც ჯანმრთელობის პრობლემები აწუხებდა.

იგი ედავებოდა ირანის საგამოძიებო უწყებებს იმაზე , რომ პროგრამა , რომელიც მან შექმნა იყო ღია წყარო, სადაც სხვადასხვა სახის ინფორმაცია იტვირთებოდა მისგან დამოუკიდებლად ამა თუ იმომხმარებლების მიერ. თავდაპირველად ირანში მისი სიკვდილით დასჯას აპირებდნენ მის მიერ შექმნილი პროგრამით მთავრობაზე გავრცელებული კორუფციული საქმიანობების მხილების გამო. სასამართლოს მიერ ჩატარებული გამოძიების შემდეგ, პატიმარს სიკვდილით დასჯა სამუდამო პატიმრობით შეეცვალა.

ციხეში გატარებული პერიოდის განმავლობაში, მალეკპურს წლის ფიზიკურად და ფსიქოლოგიურად ინტენსიურად აწამებდნენ იზოლირებულ საკანში.