ხმაური იყო ცოტა ხნის წინ სოფელ ქვიშხეთში. „ნიუპოსტის“ კორესპონდნეტის ცნობით, სარკინიგზო გვირაბის მშენებლობაზე დასაქმებული მუშები სატვირთო მანქანებს გვირაბში არ უშვებდნენ. პროტესტის მიუხედავად, დაახლოებით 20 წუთის შემდეგ, გვირაბში ტექნიკა მაინც შევიდა და ახლა, 15-მდე ჩინელი მუშა აწარმოებს სამშენებლო სამუშაოებს.

გაფიცულმა მუშებმა სამუშაო მოედნის პიკეტირება მას შემდეგ გადაწყვიტეს, რაც ჩინურმა კომპანიამ მათ მოთხოვენებს უარით უპასუხა. 60 მუშა უკვე მეხუთე დღეა გაფიცულია. ისინი დღიური ხელფასის 10 ლარით გაზრდას და უსაფრთხოების ზომების გაუმჯობესებას ითხოვენ.

აღმოსავლეთ-დასავლეთ საქართველოსთან დამაკავშირებელი სარკინიგზო გვირაბის მშენებლობას საქართველოს რკინიგზის დეპარტამენტის კონტრაქტორი კომპანია, შპს „ჩინეთის რკინიგზის23-ე ბიუროს ჯგუფი“ აწარმოებს.