11 წლის ბავშვის გაუპატიურებაში ბრალდებული პედოფილი ტუალეტში დაახრჩო მისმა თანამოსაკნემ. 56 წლის დევიდ რამირესი ფლორიდაში, ჯექსონვილის ციხეში გარდაცვლილი აღმოაჩინა პოლიციამ.

რამირესს ბრალად ედებოდა 2013 წელს გოგონაზე თავდასხმა. გაცხადებული ინფორმაციის თანახმად, ბოროტმოქმედმა მის თანამოსაკნეს, პოლ დიქსონს შეურაცხყოფა მიაყენა, რომლის შემდეგაც იგი დიქსონმა მოკლა.

43 წლის პოლ დიქსონმა რამირესს თავი ჩააყოფინა უნიტაზში, რომლის შემდეგაც პედოფილი გარდაიცვალა,- აცხადებს ინფორმაციას ამერიკული მედია.

დანაშაულის მკვლევარმა და ანალიტიკოსმა, კენ ჯეფერსონმა მედიასთან ინტერვიუში განაცხადა: ,,როდესაც მამაკაცი შედის ციხეში ბავშვის გაუპატიურების ბრალდებით, უნდა იცოდეს რომ უსაფრთხოდ საკანში ვერ იქნება. მან ყოველთვის უკან უნდა მიიხედოს და მუდმივად იმის შიშში უნდა იყოს, რომ შესაძლოა ყოველთვის იძალადონ მასზე, რადგან მსგავს დანაშაულში მონაწილე ადამიანები ციხეში არ უყვართ.’’

ორივე თანამესაკნე ციხის ზედა სართულის საკანში იყო მოთავსებული, სადაც განსაკუთრებული დანაშაულის ბრალდებით იხდიან ადამიანები მსჯავრს. მესამე თანამესაკნე, რომელიც შეესწრო მკვლელობას, უარს აცხადებს პოლიციასთან თანამშრომლობასა და ჩვენების მიცემაზე. პოლ დიქსონი 17 წლიდან ორი მკვლელობისთვის იხდის მსჯავრს ციხეში.