ბრიტანეთის საავადმყოფოებში 6 პაციენტი გარდაიცვალა იმ სენდვიჩებისა და სალათების ჭამის შემდეგ, რომლებიც ლისტერიოზით დაინფიცირებული აღმოჩნდა. ისინი აღნიშნული საკვებს მკურნალობის პერიოდში იღებდნენ.

დაინფიცირებული საკვებით საავადმყოფოები და მათი კლინიკები მარაგდებოდა კომპანია ,,Good Food Chain’’-ის მიერ.

მთავარმა ექთანმა, ინფექციის კონტროლისა და პრევენციის დირექტორმა, მაგი დევისმა აღნიშნა: ,,პაციენტების უსაფრთხოება არის ჩვენთვის უმნიშვნელოვანესი პრიორიტეტი და როგორც კი გავიგეთ, რომ სამზარეულოში არსებული ქათმის სენდვიჩები, რომლებიც კომპანია GOOD FOOD CHAIN-ის მიერაა დამზადებული, შესაძლოა დაინფიცირებული ყოფილიყო, ყველა მათგანი ამოვიღეთ მოხმარებიდან’’.

ლისტერიოზით დასნებოვნებულ პრუდუქციას კონტრაქტორი კომპანია სენდვიჩებით ამარაგებდა 43 კლინიკას ინგლისის მთელს ტერიტორიაზე.

ინგლისის საზოგადოებრივი ჯანდაცვის უწყების განცხადების თანახმად, შიშის საფუძველი არ არსებობს, რადგან ისინი ახორციელებენ შესაბამის ღონისძიებებს ფატალური შედეგების თავიდან ასარიდებლად.

ლისტერიოზი ინფექციური დაავადებაა, რომელიც ადამიანს გადაედება დაავადებულ ცხოველებთან კონტაქტითა და საკვებით.ინფექციის წყაროა გარეული მღრღნელები და შინაური ცხოველები.ბაქტერიები ადამიანის სხეულში შეიჭრება ლორწოვანი გარსიდან და დაზიანებული კანიდან. ლისტერიოზის მიმდინარეობას ხდება სისხლის მოწამვლა,რომელსაც თავის მხრივ ახასიათებს ცხელება, ანგინა, თავის ტკივილი, სისუსტე.