ამერიკული კომპანია ,,northrop grumman’’ -ის ახალი თაობის სტელს ბომბდამშენი B-21 RAIDER დაგეგმილზე ადრე აფრინდება, 2021 წლის დეკემბერში. აშშ-ს საჰაერო შტაბის უფროსის მოადგილის განცხადებით, ბომბდამშენის შესყიდვების თანხა უკვე გათვალისწინებულია და 2022 წელს 220 მილიონი $ -ია გამოყოფილი , 2023 წელს 2,4 მილიარდი , ხოლო შემდეგ წელს კი 3,3 მილიარდი $.

ბ-21 ამერიკის საჰაერო ძალებში სუპერთანამედროვე ტექნოლოგიებით აგებული საბრძოლო აპარატი იქნება, რომელსაც დახვეწილი სტელს დიზაინის წყალობით რადარებისთვის ნაკლებად შემჩნევადობის გარდა შეეძლება ბ61-ის ტიპის ბირთვული ბომბების წაღება, სადაზვერვო ინფორმაციების შეგროვება და გავრცელება. თვითმფრინავის ერთ-ერთი ყველაზე მთავარი ღირსება იქნება ის., რომ მას შეეძლება პილოტირებადი თვითმფრინავიდან უპილოტოდაც გადაკეთდეს. თვითმფრინავის მოქმედების არეალი მწარმოებლის განცხადებით მის წინამორბედებზე გაცილებით მეტი იქნება და ასევე კომპანიის მიერ გაცხადებული ინფორმაციის თანახმად, მას შეეძლება 18-19 კილომეტრი სიმაღლიდან სადაზვერვო ინფორმაციების მოპოვება და წერტილოვანი დარტყმების მიყენება სამიზნეებისთვის, რაც უპრეცედენტოდ მოწინავე ტექნოლოგიაა სხვა მისი მოწინავე ანალოგებისგან განსხვავებით. ბ-21 რაიდერის მიმართ მსოფლიოში არსებული ჰაერსაწინააღმდეგო სისტემების რადარების უმრავლესობა უძლური იქნება ,- აცხადებენ მწარმოებლები.

აღნიშნული ბომბდამშენის ფასი 534 მილიონი $ იქნება და საერთო ჯამში პენტაგონს 100 აპარატზე აქვს შეკვეთა გაცემული.