ამერიკის დაზვერვის სამსახურის დირექტორს, დენ ქუოთს თანამდებობაზე ჩაანაცვლებს ტეხასელი კონგრესმენი, ჯონ რეტკლიფი, - ამის შესახებ აშშ-ს პრეზიდენტმა დონალდ ტრამპმა საკუთარი ტვიტერის ოფიცალურ გვერდზე ამცნო საზოგადოებას.

,,მე მოხარული ვარ წარმოგიდგინოთ დიდი ღირსების მქონე კონგრესმენი, ჯონ რეტკლიფი ჩვენი ქვეყნის დაზვერვის დირექტორის თანამდებობაზე. ყოფილი პროკურორი გაუძღვება უწყებას და შეჰმატებს უდიდეს სიდიადეს იმ ქვეყანას, რომელიც მას ძალიან უყვარს. დენ ქუოთსი, უწყების დღევანდელი ხელმძღვანელი კი ... ’’ ,- დაწერა აშშ-ს პრეზიდენტმა სოციალურ ქსელში.

ამერიკის პრეზიდენტსა და ქუოთს განსხვავებული შეხედულებები ჰქონდათ მთელ რიგ საკითხებზე, რის გამოც მათ დაეძაბათ უკანასკნელ პერიოდში ურთიერთობა ერთმანეთთან- ერთ-ერთი მნიშვნელოვანი უთანხმოების მიზეზი იყო რუსეთის ჩარევის საკითხი საპრეზიდენტო არჩევნებში, ბირთვული შეთანხმებები ირანთან და ჩრდილოეთ კორეასთან ურთიერთობის დალაგების მცდელობა.

დაზვერვის სამსახურის დირექტორს უფლებამოსილების განმავლობაში მუდმივად უპირისპირდებოდა პრეზიდენტი ამა თუ იმ საკითხებზე და ხშირად აკრიტიკებდა მისი უწყების მუშაობას.