არეულობა მოსკოვში - ეკლესიის მიერ შეფარებული მომიტინგეები და იტალიური წარმოშობის მართლმადიდებელი მღვდელი, რომელიც აქციის მონაწილეებს ეხმარებოდა

მსოფლიო - 14:12, 28 Jul, 2019

2240

27 ივლისს მოსკოვში განვითარებული მოვლენების დროს, ტვერის ქუჩასთან ახლოს, სტოლეშნიკოვის შესახვევში მდებარე კოზმა და დამიანეს სახელობის მართლმადიდებელმა ტაძარმა მომიტინგეები შეიფარა და მათ პოლიციელებისგან მიყენებული ჭრილობებისა და ტრამვების მოვლაში დაეხმარა. როგორც წესი, რუსეთში ეს დიდი ხანია რაც არ მომხდარა.

შემთხვევა დაახლოებით 5 საათისთვის მოხდა. ტაძრის წინამძღვარმა მიიღეს გადაწყვეტილება, რომ პოლიციისა და სპეცრაზმის მიერ დევნილი აქციის მონაწილეებისათვის ეკლესიის ჭიშკარი გაეღო და შეეფარებინა.

"ჩვენ მცირე პორციებით ვუშვებდით ხალხს, რადგან იქ სპეცრაზმი იყო და ამისთვის შეიძლება დავესაჯეთ. ზოგი კარებიდან შემოდიოდა, ზოგიერთები ღობეზე მოძვრებოდნენ და მღვდლები ეხმარებოდნენ," - აცხადებს მორიგე მღვდელი.

ჟურნალისტების მიერ გადაღბულ ფოტოებზე სწორედ ეს პროცესია დაფიქსირებული, როდესაც იტალიელი წარმოშობის მღვდელი იოან გუაიტა აქციის მონაწილეებს ღობეზე გადმოძრომაში ეხმარება. იგი წარმოშობით სარდინიაში დაიბადამ იტალიელი მინისტრის ოჯახში. 80-იანი წლების ბოლოს ის რუსეთში გადმოვიდა, ტარკოვსკის შესახებ სადიპლომო ნამუშევარი დაწერა, მართლმადიდებლობა მიიღო და რუსეთის ეკლესიის მსახური გახდა.

ცნობილი პირია კოზმასა და დამიანეს ტაძრის წინამძღვარიც, ალექსანდრე ბორისოვი. იგი აქტიურად იყო ჩართული 1991 წელს აგვისტოში ГКЧП-ს პუტჩის დროს მიმდინარე მოვლენებში. მაშინ იგი ჯარისკაცებს მოუწოდებდა, არ გამოეყენებინათ იარაღი მომიტინგეთა წინააღმდეგ და მათ სახარებებს ურიგებდა.